ໃນວັນທີ 24 ກໍລະກົດ 2025 ນີ້ ກົມສິ່ງແວດລ້ອມ, ກະຊວງກະສິກໍາ ແລະ ກົມສິ່ງແວດລ້ອມ ໄດ້ຈັດກອງປະຊຸມ ປຶກສາຫາລືແບບມີສ່ວນຮ່ວມຂັ້ນສູນກາງ ຂຶ້ນທີ່ໂຮງແຮມຄຣາວພາຊາ, ນະຄອນຫຼວງວຽງຈັນ ໂດຍການເປັນປະທານຮ່ວມຂອງ ທ່ານ ໄຊນະຄອນ ອິນທະວົງ ຮອງລັດຖະມົນຕີ ກະຊວງກະສິກຳ ແລະ ສິ່ງແວດລ້ອມ, ທ່ານ ສຸກສະຫວາດ ວົງພຸມເຫຼັກ ຮອງເຈົ້າແຂວງໆໄຊສົມບູນ ຜູ້ຊີ້ນຳວຽກງານເສດຖະກິດ (ເຂົ້າຮ່ວມແບບກອງປະຊຸມທາງໄກ). ມີບັນດາຫົວໜ້າ-ຮອງຫົວໜ້າກົມ, ຮອງຫົວໜ້າຫ້ອງການ, ຫົວໜ້າ-ຮອງຫົວໜ້າພະແນກ ອ້ອມຂ້າງກະຊວງກະສິກໍາ ແລະ ສິ່ງແວດລ້ອມ, ຜູ້ຕາງໜ້າຈາກພາກສ່ວນທີ່ກ່ຽວຂ້ອງ ຈາກຂັ້ນສູນກາງ ແລະ ທ້ອງຖິ່ນ, ຜູ້ຕາງໜ້າຈາກ ບໍລິສັດ, ທີ່ປຶກສາດ້ານສິ່ງແວດລ້ອມ ເຂົ້າຮ່ວມ.
ຈຸດປະສົງຂອງກອງປະຊຸມ ແມ່ນເພື່ອລາຍງານກ່ຽວກັບການປະເມີນຜົນກະທົບຕໍ່ສິ່ງແວດລ້ອມ ລວມທັງແຜນຄຸ້ມຄອງ ແລະ ຕິດຕາມ ກວດກາສິ່ງແວດລ້ອມ ສໍາລັບໂຄງການຂຸດຄົ້ນ ແລະ ປຸງແຕ່ງແຮ່ຄຳ, ທອງ, ຊືນ ແລະ ສັງກະສີ ເນື້ອທີ່ 48,39 ກມ2 ຢູ່ເຂດບ້ານ ນໍ້າຍອນ ເມືອງ ອານຸວົງ, ບ້ານໜອງພູນໄຊ ແລະ ບ້ານນໍ້າຊານ ເມືອງ ລອງແຈ້ງ.
ທີ່ມາ: ຂ່າວສານກະສິກຳ ແລະ ສິ່ງແວດລ້ອມ