ວັນທີ 26 ກໍລະກົດ 2025 , ທ່ານ ພອນສຸກ ອິນທະວົງ ຮອງເຈົ້າແຂວງຫົວພັນ ຮອງປະທານຄະນະກຳມະການຕ້ານໄພພິບັດຂັ້ນແຂວງ ພ້ອມດ້ວຍພະແນກການທີ່ກ່ຽວຂ້ອງຂັ້ນແຂວງ ໄດ້ລົງຕິດຕາມ ແລະ ກວດກາໄພພິບັດທີ່ເກີດຂື້ນຈາກພາຍຸວິພາ ໃນລະຫວ່າງວັນທີ 21-25 ກໍລະກົດນີ້, ໄດ້ເຮັດໃຫ້ເກີດຜົນກະທົບຕໍ່ເນື້ອທີ່ທຳການຜະລິດ, ຕໍ່ຊີວິດ ແລະ ເຮືອນຊານຂອງປະຊາຊົນຢູ່ເຂດເມືອຫົວເມືອງ ແຂວງຫົວພັນ ທີ່ໄດ້ຮັບຜົນກະທົບຕໍ່ພະຍຸດັ່ງກ່າວ. ໃນເບື້ອງຕົ້ນນີ້ ຄະນະສະເພາະກິດຂັ້ນແຂວງໄດ້ນຳເອົາເຄື່ອງ ແລະ ວັດຖຸປັດໃຈທີ່ຈຳເປັນຈຳນວນໜື່ງ ນຳໄປມອບເພື່ອແກ້ໄຂສຸກເສີນ, ມີ ເຂົ້າສານຈຳນວນ 840 ກິໂລ, ນໍ້າດື່ມ 145 ແກັດ, ປາກະປ່ອງ 150 ແຟັກ ແລະ ເງິນສົດຈຳນວນ 20 ລ້ານກີບ ມອບໃຫ້ຄອບຄົວ ທີ່ໄດ້ຮັບຜົນກະທົບ ເປັນການບັນເທົາທຸກເບື້ອງຕົ້ນ.
ທີ່ມາ : ແຫລ່ງຂ່າວຈາກແຂວງຫົວພັນ.