ວັນທີ 12 ພະຈິກ 2025 ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ໄດ້ພົບປະໂອ້ລົມຫລານນ້ອຍເຍົາວະຊົນທັນວາ ທົ່ວປະເທດ ໃນໂອກາດທີ່ເຂົ້າຮ່ວມງານພົບປະຕັ້ງຄ້າຍເຍົາວະຊົນທັນວາທົ່ວປະເທດຄັ້ງທີ 6 ທີ່ນະຄອນຫລວງວຽງຈັນເປັນເຈົ້າພາບ ເຊິ່ງຈັດຂຶ້ນໃນລະຫວ່າງວັນທີ 10-12 ພະຈິກ 2025 ທີ່ສະໜາມກິລາຫລັກ16 ນະຄອນຫລວງວຽງຈັນ.
ການລົງໄປພົບປະຄັ້ງນີ້, ໂດຍການຕ້ອນຮັບຂອງ ສະຫາຍ ທອງລີ ສີສຸລິດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ມີ ສະຫາຍ ອານຸພາບ ຕຸນາລົມ ເລຂາຄະນະພັກປະທານສະພາປະຊາຊົນນະຄອນຫລວງວຽງຈັນ ສະຫາຍ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ ບັນດາເລຂາຄະນະບໍລິຫານງານຊາວໜຸ່ມນະຄອນຫລວງແລະແຂວງ ເຂົ້າຮ່ວມ.
ໂອກາດດັ່ງກ່າວ ສະຫາຍ ທອງລຸນ ສີສຸລິດ ໄດ້ສະແດງຄວາມດີໃຈທີ່ເຫັນຫລານນ້ອຍເຍົາວະຊົນມີຄວາມຍິ້ມແຍ້ມແຈ່ມໃສເຫັນໄດ້ຜູ້ທີ່ເປັນອະນາຄົດທີ່ດີຂອງປະເທດຊາດພ້ອມທັງເນັ້ນໃຫ້ພວກຫລານເອົາໃຈໃສ່ຫລາຍບັນຫາ ທີ່ຝາກໄວ້ກັບເຍົາວະຊົນຄົນຮຸ່ນໃໝ່ເປັນຜູ້ສືບທອດພາລະກິດຂອງຊາດເປັນຕົ້ນ ໃຫ້ເອົາໃຈໃສ່ການສຶກສາຮໍ່າຮຽນໃຫ້ມີຄວາມຮູ້ຄວາມສາມາດ ແລະ ເປັນຄົນດີຂອງ ສັງຄົມ ແລະ ປະເທດຊາດ.
ທີ່ມາ: ວຽງຈັນໃໝ່