ວັນທີ 25 ມັງກອນນີ້, ການຝຶກຊ້ອມຮ່ວມຄັ້ງທີ 2 ສຳລັບງານລາຕີສະຫຼອງບຸນກຸດຈີນ 2026 ທີ່ຈັດໂດຍວິທະຍຸໂທລະພາບສູນກາງຈີນ ຫຼື CMG ໄດ້ສຳເລັດດ້ວຍດີ, ເຊິ່ງທຸກຂັ້ນຕອນຂອງງານໄດ້ດຳເນີນຢ່າງໂລ່ງລ່ຽນ ແລະ ເປັນລະບຽບ, ໜ່ວຍງານກຳກັບໄດ້ປັບປຸງລາຍລະອຽດຂອງລາຍການຕ່າງໆໃຫ້ສົມບູນແບບເລື້ອຍໆ, ສະແດງໃຫ້ເຫັນເຖິງບັນຍາກາດທີ່ຄຶກຄື້ນມ່ວນຊື່ນ. ໃນງານລາຕີໄດ້ສະແດງໃຫ້ເຫັນເຖິງອາລົມຈິດທີ່ລະອຽດອ່ອນ ແລະ ປະທັບໃຈ, ເຮັດໃຫ້ຜູ້ຊົມສາມາດສຳຜັດກັບບັນຍາກາດອັນເຂັ້ມຂຸ້ນຂອງບຸນກຸດຈີນ, ເຕັມໄປດ້ວຍຄວາມເບີກບານມ່ວນຊື່ນ ແລະ ຄວາມອົບອຸ່ນໃນການເຕົ້າໂຮມກັນຂອງທຸກຄອບຄົວ.
ໜ່ວຍງານກຳກັບງານລາຕີສະຫຼອງບຸນກຸດຈີນຂອງ CMG ຈະສືບຕໍ່ປັບປຸງຕື່ມອີກໃນດ້ານການຈັດລາຍການ, ການເຊື່ອມໂຍງເຕັກໂນໂລຊີ, ເຕັກນິກພິເສດເທິງເວທີ ແລະອື່ນໆ, ພະຍາຍາມນຳສະເໜີ “ງານລາຕີສະຫຼອງບຸນກຸດຈີນຂອງປະຊາຊົນ” ທີ່ຕິດແທດກັບຊີວິດຈິງ ແລະ ສົ່ງຕໍ່ຄວາມອົບອຸ່ນ.