ຜູ້ສະໝັກເລືອກຕັ້ງເປັນສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ (ນວ) ໜ່ວຍທີ 4 ໄດ້ສືບຕໍ່ລົງເຄື່ອນໄຫວໂຄສະນາຫາສຽງນໍາຜູ້ມີສິດປ່ອນບັດເລືອກຕັ້ງຢູ່ 6 ບ້ານຄື ບ້ານດົງກະລຶມ ດອນວັງໂພ ດົງສານ ທ່າເດື່ອສິງຫອມ ຖິ່ນທ່ຽງ ແລະ ບ້ານໜອງວັງເຜິ້ງ ເມືອງປາກງື່ມ ໃນວັນທີ 18 ກຸມພາ 2026 ກ່າວຕ້ອນຮັບໂດຍທ່ານ ຄຳຕຸ້ຍ ສິລິວົງ ປະທານແນວລາວສ້າງຊາດ ເມືອງປາກງື່ມ ພ້ອມດ້ວຍຄະນະນຳເມືອງ ນາຍບ້ານ ຮອງນາຍບ້ານ ພາກສ່ວນກ່ຽວຂ້ອງ ແລະ ພໍ່ແມ່ປະຊາຊົນເຂົ້າຮ່ວມ.
ສຳລັບຈຸທີ 4 ທີ່ລົງຫາສຽງຄັ້ງນີ້ມີນຳໂດຍທ່ານ ໄຊນະຄອນ ອິນທະວົງ ຮອງລັດຖະມົນຕີກະຊວງກະສິກໍາ ແລະ ສິ່ງແວດລ້ອມ ນ້ຳເບີ 4 ພ້ອມຄະນະອີກ 4 ທ່ານ ການລົງເຄື່ອນໄຫວຄັ້ງນີ້ແຕ່ລະທ່ານກໍໄດ້ຜັດປ່ຽນກັນຂຶ້ນແນະນໍາຕົນເອງເພື່ອໃຫ້ຜູ້ມີສິດປ່ອນບັດເລືອກຕັ້ງໄດ້ຮັບຮູ້ເຂົ້າໃຈຢ່າງຖືກຕ້ອງຕໍ່ຜູ້ສະໝັກຮັບເລືອກຕັ້ງແຕ່ລະທ່ານເພື່ອເປັນບ່ອນອີງໃນການຄົ້ນຄວ້າ ຄົ້ນຄິດ ສົມທຽບໃສ່ມາດຕະຖານ ເພື່ອຕັດສິນໃຈເລືອກເອົາຜູ້ທີ່ເຫັນວ່າມີມາດຕະຖານເງື່ອນທີ່ເໝາະສົມເພື່ອເປັນຕົວແທນຂອງປະຊາຊົນຢູ່ສະພາແຫ່ງຊາດ ແລະ ສະພາປະຊາຊົນນະຄອນຫຼວງວຽງຈັນ.
