ພິທີເປີດຖ້ຽວບິນກົງ ປາກເຊ-ກວາງໂຈ, ກວາງໂຈ-ປາກເຊ ໄດ້ຈັດຂຶ້ນໃນວັນທີ 19 ພຶດສະພາ ນີ້ ທີ່ສະໜາມບິນສາກົນປາຍຢູນ ເຮັດໃຫ້ຖ້ຽວບິນກົງ ທີ່ບິນຈາກ ສປປ ລາວ – ນະຄອນກວາງໂຈ ສປ ຈີນ ເພີ່ມຂຶ້ນເປັນ 2 ເສັ້ນທາງການບິນ ແລະ ນີ້ເປັນການອຳນວຍຄວາມສະດວກໃຫ້ແກ່ຜູ້ໂດຍສານ ທີ່ຈະເດີນທາງເຂົ້າມາພາກໃຕ້ຂອງລາວ ອັນເປັນການສົ່ງເສີມໃຫ້ມີການເຊື່ອມໂຍງເຊື່ອມຈອດ ທັງຍູ້ແຮງປີທ່ອງທ່ຽວລາວ 2024 ໃຫ້ມີນັກທ່ອງທ່ຽວມາທ່ຽວລາວຫຼາຍຂຶ້ນ ໂດຍສະເພາະແຂວງຈໍາປາສັກ ທີ່ມີແຫຼ່ງທ່ອງທ່ຽວຫຼາກຫຼາຍ ມີທັງໝົດຫຼາຍກວ່າ 244 ແຫ່ງ.
ໃນພິທີ, ທ່ານ ສະເຫຼີມ ໄຕຍະລາດ ຮອງອຳນວຍການລັດວິສາຫະກິດການບິນລາວ ໄດ້ກ່າວໃຫ້ຮູ້ວ່າ: ຜ່ານມາ, ຖ້ຽວບິນກົງ ທີ່ເປັນເສັ້ນທາງການບິນ ຈາກ ສປປ ລາວ – ນະຄອນກວາງໂຈ ມີແຕ່ຈາກນະຄອນຫຼວງວຽງຈັນ – ກວາງໂຈ; ນັບແຕ່ມື້ນີ້, ໄດ້ເພີ່ມເປັນ 2 ເສັ້ນທາງບິນກົງ ໂດຍເລີ່ມຖ້ຽວບິນທໍາອິດໃນມື້ເປີດພິທີນີ້ ຊຶ່ງນອກຈາກຈະເປັນການພັດທະນາສົ່ງເສີມການທ່ອງທ່ຽວ ລະຫວ່າງ 2 ຊາດ, ການແລກປ່ຽນວັດທະນະທໍາຕ່າງໆແລ້ວ ກໍຍັງຈະເຮັດໃຫ້ ລາວ-ຈີນ ມີຄວາມຮັດແໜ້ນຂຶ້ນຕື່ມ ໃນການເດີນທາງໄປ-ມາ ທີ່ສະດວກສະບາຍ ລະຫວ່າງ ນະຄອນປາກເຊ ແລະ ນະ ຄອນກວາງໂຈ ໂດຍການເປີດຖ້ຽວບິນກົງນີ້ ຈະເປັນຜົນສຳເລັດອັນໃໝ່ທີ່ຍິ່ງໃຫຍ່ກວ່າເກົ່າ ໃນການສົ່ງເສີມການທ່ອງທ່ຽວລະ ຫວ່າງ ນະຄອນປາກເຊ ແລະ ນະຄອນກວາງໂຈ.
ທີ່ມາ: ສຸກສະຫວັນ
![](https://scontent.fvte4-1.fna.fbcdn.net/v/t39.30808-6/441922995_973235338145616_564554240568578009_n.jpg?stp=dst-jpg_p526x395&_nc_cat=101&ccb=1-7&_nc_sid=5f2048&_nc_eui2=AeEPTsSeGWWvc1cIyVHqGWhqu7Kekn3Uz3O7sp6SfdTPcx8rc_4abJ9jXtxbLlLzkT_IQ3ela8q0CKMER1c71JhC&_nc_ohc=vE-py3I4PmcQ7kNvgH9ftUo&_nc_ht=scontent.fvte4-1.fna&oh=00_AYD7lkuJqybnBPgW0O6W45Kkbma2GhxnACHly_btLtUHWA&oe=6651F178)
![](https://scontent.fvte4-1.fna.fbcdn.net/v/t39.30808-6/443711643_973235358145614_1518916068267262998_n.jpg?stp=dst-jpg_p526x395&_nc_cat=108&ccb=1-7&_nc_sid=5f2048&_nc_eui2=AeHWxE1tkCh1nS0oC-Er8elTI5k0sSnkK0YjmTSxKeQrRgZVA-s30qiGNmwVvAsEZ0VaEFle6UcYZo61OAaxL_xo&_nc_ohc=qp9KZ42dpbUQ7kNvgEOho_7&_nc_ht=scontent.fvte4-1.fna&oh=00_AYB5xzMYwdHaX7GI2R4E_OSmRNGk5xWhQuSAbW-7d9_zaA&oe=6651E9A7)
![](https://scontent.fvte4-1.fna.fbcdn.net/v/t39.30808-6/436199580_973235381478945_4155853281352698978_n.jpg?stp=dst-jpg_s600x600&_nc_cat=101&ccb=1-7&_nc_sid=5f2048&_nc_eui2=AeGhR373VD3e0wZvOxYnnGjEgcYP9hS1XQeBxg_2FLVdB7s9Eow9gEMWo2ZcwAQf8NcYxjIDcKY7o8Ap1r61pvXZ&_nc_ohc=zhQ8Q9UBgowQ7kNvgGQxsMG&_nc_ht=scontent.fvte4-1.fna&oh=00_AYC5ZGkmVq6SFJNExQeHmfq0C16QonR11zYTei-IZUMULQ&oe=6651E764)