ເມືອງນາຊາຍທອງ, ນະຄອນຫລວງວຽງຈັນ ກຽມຈັດງານວາງສະແດງສິນຄ້າ ປະຈຳປີ 2024 ໃນລະຫວ່າງ ວັນທີ 13-19 ກຸມພາ 2024 ທີ່ບ້ານແຈ້ງສະຫວ່າງ ເຊິ່ງຄັ້ງນີ້ຈັດຂຶ້ນເປັນຄັ້ງທີ 27.
ທ່ານ ພູວອນ ພົງລາດແກ້ວ ຮອງເຈົ້າ ເມືອງນາຊາຍທອງ ໃຫ້ຮູ້ໃນໂອກາດຮ່ວມກັບຄະນະຖະແຫລງຂ່າວກ່ຽວກັບງານດັ່ງກ່າວຢູ່ຫ້ອງວ່າການເມືອງນາຊາຍທອງ ເມື່ອບໍ່ດົນມານີ້ວ່າ: ຈຸດປະສົງການຈັດງານຄັ້ງນີ້ ເພື່ອກະຕຸກຊຸກຍູ້ສົ່ງເສີມການຜະລິດກະສິກຳ-ຫັດຖະກຳ ແລະ ອຸດສາຫະກຳ ຢູ່ພາຍໃນເມືອງໃຫ້ມີຄວາມເຕີບໃຫຍ່ເຂັ້ມແຂງຕໍ່ເນື່ອງ ເຊິ່ງເມືອງນາຊາຍທອງ ກໍເປັນເມືອງໜຶ່ງ ທີ່ມີກາລະໂອກາດ ມີທ່າແຮງ ແລະ ເງື່ອນໄຂໃນການຜະລິດກະສິກຳ ປູກຝັງ-ລ້ຽງ ສັດ ເພື່ອທົດແທນ ການນຳເຂົ້າຕາມນະໂຍບາຍສົ່ງເສີມຂອງລັດຖະບານ.
ນອກຈາກນີ້ ຍັງເປັນການເປີດກວ້າງການຄ້າການບໍລິການ ແລະ ການທ່ອງ ທ່ຽວຂອງເມືອງໃຫ້ຂະຫຍາຍ ຕົວຢ່າງມີປະສິດທິພາບ ໄປພ້ອມໆກັບການສົ່ງເສີມສິນຄ້າໂອນ້ອຍ, ສົ່ງເສີມການພັດທະນາວິສາຫະກິດ ຂະໜາດ ນ້ອຍ ແລະ ຂະໜາດກາງ, ເຕົ້າໂຮມຄວາມສາມັກຄີ, ໂຄສະນາດ້ານການ ຕະຫຼາດ ແລະ ສ້າງເວທີແລກ ປ່ຽນບົດຮຽນຂອງຊາວກະສິກອນ, ຊາວຊ່າງຫັດຖະກຳ, ຄອບຄົວຕົວແບບ ແລະຄອບຄົວທີ່ມີການຜະລິດຕ່າງໆ.
Cr: ຂ່າວອອນລາຍ, ວສລ
![May be an image of 3 people and text](https://scontent.fvte4-1.fna.fbcdn.net/v/t39.30808-6/426102548_895449702590847_6071944558908732835_n.jpg?_nc_cat=103&ccb=1-7&_nc_sid=3635dc&_nc_eui2=AeEvQC5U0QzU7JtNVi6UA_rZiTuTI7NcHyKJO5Mjs1wfIg14qZs1jK3NvkN6t7OVgFabiOYHxc3vR1KvPwE32pwO&_nc_ohc=sr5RImoySf0AX-DC_X6&_nc_oc=AQncmXPe8J1oG4fGKzfwEBCAcc8-Cg2hig3HHCIsaYWcSGTXLYMlOswPKqUPasoylSg&_nc_ht=scontent.fvte4-1.fna&oh=00_AfBmGmLnrXkpUf0uwFL3X2v77SW2gJIj5Ye3LBs6h_-5ZA&oe=65C74B2B)